SINOPSIS KETROPAK LAKON SRIHUNING MUSTIKA TUBAN BANJARAN RANGGA LAWE

SINOPSIS KETROPAK LAKON SRIHUNING MUSTIKA TUBAN BANJARAN RANGGA LAWE

Adipati Indrakarta lagi nunggang jaran nalika ana swara njaluk tulung, panjenengane cepet-cepet mara ing sumbering swara, banjur nulungi Dewi Kumalaretna. Saknalika kuwi Adipati Indrakarta marang patih, Senopati Gonjat, lan Senopati Wijat yen panjenengane tresna marang Dewi Kumalaretna uga arep nggarwa Kumalaretna. Senopati Gonjat, lan Senopati Wijat didhawuh menyang Kadipaten Bojonegara supaya nglamarake Kumalaretna. Nalika wis tekan ing tlatah Kadipaten Bojonegara Senopati Gonjat lan Senopati Wijat dicegat dening Patih Yasapraja. Patih Yasapraja menehi pawarta Kumalaretna arep dijodhokake karo pangeran saka Kadipaten Tuban. Krungu kabar kaya mengkono Senopati Gonjat lan Senopati Wijat ora trima, banjur gelut karo perjurit Bojonegara. Patih Yasapraja ngadhep ing Adipati Prabaningrat bab peperangan. Adipati ora kepingin akeh korban meneh sing mati ing peperangan, banjur panjenengane dhawuh Pangeran Sadhara supaya ngundurna lamaran saka Adipati Lamongan. Pangeran Sadhara bisa ngundurake Wijat lan Gonjat.

            Ing Kadipaten Tuban, Dewi Srihuning lagi ngalamun ing Tamansari, panjenengane kepingin gadhah garwa kaya Raden Wiratmaya.ora antara suwe Raden Wiratmaya wis jumeneng ana ing sihe Srihuning. Raden Wiratmaya menehi kasunyatan bab asal-usule Srihuning.

Nalika Rangga Lawe isih mertapa, gawane marani ing mertapan amarga arem menehi titah saka Gusti Kencana Wungu, Ratu Majapahit kang isine dhawuh Rangga Lawe supaya ngundurake Minak Jinggo kang arep nggarwa Gusti Kencana Wungu. Banjur Rangga Lawe dhawuh Senopati Wangsapati supaya jukukkake Songsong Tunggal Naga kang bisa nolak bala saka Minak Jingga. Sadurunge mangkat, Wangsapati meling marang Dewi Mertara yen besuk anake lahir wadon supaya dijenengi Srihuning. Dewi Mertara nyaguhi piwelinge Wangsapati. Ing dalan, Rangga Lawe lan Wangsapati ketemu Minak Jinggo. Ing kana, Minak Jinggo jaluk pangestu marang Rangga Lawe amarga dheweke arep nglamar Gusti Kencana Wungu. Nanging gara-gara ora diwenehi pangestu, Minak Jingo nesu lan nantang gelut Rangga Lawe. Ing peperangan iku Wangsapati mati, bab kuwi andhedhekake muntabing Rangga Lawe. Minak Jinggo dicengkiwing arep dipateni, nanging ujug-ujugRangga Lawe oleh wangsit supaya cepet-cepet munggah ing kahyangan bareng widadari amarga panjenengane wis netepi janjine.

Krungu cerita kaya mengkono Srihuning ora kuwat mendhem eluh. Raden Wiratmaya ngeneng-ngeneng Srihuning, panjenengane ngendika tresna marang Srihuning. Srihuning dadi bungah atine. Nanging bungahing atine Srihuning ora suwi, amarga Ramane Wiratmaya arep jodhokake Wiratmaya karo Kumalaretna. Nalika krungu Kumalaretna dijdhokake karo Wiratmaya, Adipati Indrakarta muntab lan duweni niat arep gawe rerusuhan ing Bojonegara lan Tuban. Wiratmaya ora trima karo kekarepane Indrakarta, banjur arep mbrastha Indrakarta. Pranyata, Srihuning wis mati amarga bubar gelut karo Indrakarta. Wiratmaya tambah-tambah olehe muntab, banjur marani Indrakarta lan arep dijak gelut, nanging Wiratmaya uga ora bisa mbrastha Indrakarta malah panjenengane kang mati. Sadurunge mati, wiratmaya meling Sadhara supaya mbrastha Indrakarta lan nggarwa Kumalaretna.

Pungkasane, Sadhara bisa mbrastha Indrakarta, banjur nggarwa Kumalaretna.

TAMAT