Resensi
Novel Sawise Langit Katon Biru
Data
teknis buku:
1. Jeneng
Buku : Sawise Langit Katon Biru
2. Penganggit : Yunani S. W.
3. Tahun
Terbit : 2013
4. Penerbit : Organisasi Pengarang Sastra Jawa
(OPSJ) makarya bareng AZZAGRAFIKA
5. Kutha
Terbit : Senmarang lan Yogyakarta
6. Cacahe
Kaca : 100 kaca
7. Cetakan : Kapisan, Februari 2013
8. No
ISBN : (13) 978-602-777-711-8
Ana sawijining pitakon
marang penganggit novel “Sawise Langit Katon Biru”, apa sing dadi inspirasine
Bu Yunani nyerat novel iki. Pitakon iku kaJawab dening Bu Yunani, “Pada saat
saya jalan-jalan ke kota Batu, Malang. Saya melewati sebuah gereja. Dari dalam
gereja keluarlah seorang biarawati yang cantik. Saya berpikir, kenapa wanita
yang secantik itu bersedia menjadi Biarawati. Sehingga saya membuat novel “Sawise
Langit Katon Biru””. Novel “Sawise Langit Katon Biru” anggitane Yunani
nyritakake babagan katresnan lan pengkhiyanatan antarane Retno, Endah, lan
Hendratmo. Katresnan lan pengkhiyatan iku kawiwitan saka ketemune Hendratmo
karo adhine Endang kang aran Retno sing wuta. Endah banget tresna marang
adhine, Retno, sing wuta. Dheweke ngupaya lan nabung supaya bisa ngoprasi
adhine, mula dheweke golek bojo dhokter supaya bisa ngoprasi mripate adhine.
Hendratmo minangka calone Endah sing dadi dhokter gelem ngoprasi mripate Retno.
Nalika Hendratmo ketemu sepisanan karo Retno, thukul rasa tresna asih marang
calon adhine ipe iku, Retno uga mangkono. Rasa dhedhemenan antaraning Hendratmo
lan Retno katerusake nganti kawinane Endah lan Hendratmo. Nganti sawijining
dina tresna asihe wong sakloron iku konangan karo Endah, banjur dadi pecahing
hubungan mbak yu adhi. Endah ora gelem ngakoni Retno adhine. Retno dadi sedhih
banjur lunga nyang greja arep ngaku dosa marang Rama Robertus. Ing greja thukul
maneh kekarepan ngabdi marang Gusti ingkang murbeng dumadi, dadi biarawati.
Nanging Bu Purwo,eyange, ora sarujuk karo kekarepane Retno iku, banjur lunga
nyang Surabaya saperlu wadhul Bu Hadi, ibune Retno, lan Endah ngenani
kekarepane adhine. Ibu lan mbak yune uga ora sarujuk karo kekarepane Retno. Bu
Pirwo, Bu Hadi lan Endah gageyan lunga nyang Batu arep nemoni Retno, nanging
nalika wis tekan omahe Bu Purwo, Retno wis ora ana. Dheweke lunga nyang Ngayogyakarta saperlu sekolah
biarawati. Bu Purwo, Bu Hadi lan Endah banget banget anggone gela, utamane
Endah. Amarga dheweke ora ngakoni Retno adhine.
Pungkasane bab 6 ana
ukara “Wengine saya sepi, angine saya atis. Bengi iku setan padha jejogedan
ajak-ajak tumindak dosa”. Ing ukara iku akeh pamaca sing ngarani Hendratmo lan
Retno tumindak asusila sing nglewati wates. Nanging kasunyatane wong sakloron
mau ora tumindak asusila sing nglewati wates, kaya sing diandharake Bu Yunani,
yaiku: “...keduanya berselingkuh, namun belum sampai melakukan hubungan intim.
Hal ini dikarenakan diakhir cerita Retno mengabdi sebagai Biarawati, sedangkan
syarat menjadi biarawati adalah masih suci.”
Novel “Sawise Langit
Katon Biru” duweni makna, antarane kanggo dhosen Basa Jawa, Mahasiswa Basa
Jawa, lan para anom liyane. Kanggo dhosen, novel “Sawise Langit Katon Biru”
bisa kanggo referensi bahan ajar. Kanggo mahasiswa Basa Jawa,novel “Sawise
Langit Katon Biru” bisa kanggo tambah-tambah bahan wacan, khususe novel sing
migunakake basa Jawa. Kanggoo para anom liyane uga bisa didadekake bahan wacan
amarga critane bisa diwaca kanggo para anom lan bisa dijukuk piwulangan saka
novel “Sawise Langit Katon Biru”
Tidak ada komentar:
Posting Komentar