SINOPSIS KETOPRAK LAKON KEBO KENANGA MBALELA

SINOPSIS KETOPRAK LAKON KEBO KENANGA MBALELA

Pasuryan sangar, perawakan gagah, Sosrokusuma, adipati kadipaten Groboogan medarke pamedaring ati marang patih Sosropati. Sosrokusuma kepengin mbalela marang Kasultanan Demak amarga nadyan padha-padha islam nanging kadipaten Grobogan kasebut Islam abangan, Kasultanan Demak kasebut Islam putihan.

Haryopaninggit, patih Kasultanan Demak malebu ing pisowanan agung kadipaten Grobogan. Sosrokusuma medarke pamedaring ati yen arep mbalela marang Kasultanan Demak. Sosrokusuma ora gelem banjur prajurit kadipaten Grobogan nglawan Haryopaninggit. Pungkasane Haryopaninggit kalah dening Sosrowati.

Sosrokusuma dhawuh Ssosrowati nyulik Dewi Sekar Kedaton putri Sultan Trenggana, sultan Kasultanan Demak. Sultan Trenggana manggih Haryopaninggit. Haryopaninggit ngaturi usul marang sultan Trenggana supaya jaluk tulung marang Kebo Kenanga, amarga Sosrokusuma namung manut karo Kebo Kenanga. Banjur Sultan Trenggana dhawuh Kebo Kenanga menyang Kadipaten Grobogan.

Kebo Kenanga bisa boyong Dewi Sekar Kedaton marang Kasultanan Demak, banjur dheweke diwenehi tlatah dening Sultan Trenggana kang kaaran Desa Pengging. Kebo Kenanga lan garwane, Martinjung, boyongan ing Pengging.

Sawijining dina Kebo Kenanga arep tapa, Martinjung ditinggal dhewekan ing Pengging. Ing wancine Kebo Kenanga tapa, Sultan Trenggana sowan ing omahe Kebo Kenanga. Amarga Kebo Kenanga isih mertapa, Sultan mung ketemu karo Martinjung, banjur dadi tresna marang Martinjung.

Ki Kebo Kenanga kadhawuh golek pari rangga lawean. Miturut welinge Patih Sepuh Harya Diningrat, pari rangga lawean iku ana ing desane Kebo Kenanga dhewe. Banjur Kebo Kenanga balik mampir omah, nanging dheweke kaget amarga ngonangi Martinjung lagi wae nglahirake. Anak sing bubar dilahirake Martinjung dijenengi Karebet. Kebo Kenanga ngerti yen ramane karebet iku Sultan Trenggana, banjur Kebo Kenanga mbalela marang Sultan Trenggana.